籲放低背囊 港鐵片激嬲網民 馬時亨：呼籲大家將就吓

港鐵製作「碰上『孭嘢』人」短片，話孭嘢人會使出4招包括「後波碰碰車」，希望呼籲乘客上車時放低背囊，以免阻礙其他乘客。但短片至噚晚已引來逾2500名網民「嬲嬲」，質疑港鐵醜化背囊客，有網民聲稱計劃發動「戒背囊、齊拖篋」行動抗議。（短片撮圖）

港鐵最新短片激親唔少背囊友，有人就喺fb留言﹕「繁忙時間逼到咁……有無諗過人逼人嗰陣，放低背囊會kick到想落車嗰d人？」圖為港鐵車廂。（鍾林枝攝）

【明報專訊】港鐵近日製作短片呼籲乘客上車時要「孭得起、放得低」，講緊嘅係為免阻礙其他人，想乘客上車時放低背囊，不過短片就引來不少網民質疑，有人仲聲稱計劃發動「戒背囊、齊拖篋」行動抗議。港鐵主席馬時亨噚日回應事件話，有關呼籲只係希望方便乘客，「大家將就吓」，希望大家明白港鐵嘅出發點。

有網民想發動「戒背囊、齊拖篋」

港鐵嘅「碰上『孭嘢』人」宣傳短片長約1分鐘，片中指搭港鐵時「最怕碰上『孭嘢』人」，形容背囊客係「武林高手」，會「左碰右碰」或「不動如山」，阻礙其他乘客，港鐵仲有hashtag話「#搭車要識Do，放低背囊，#咪做碰碰車！」。

有網民睇完覺得港鐵似係「醜化背囊客」同「帶頭分化社會」，至噚晚已引來超過2500個「嬲嬲」，仲因為咁，有網民話要發起「戒背囊、齊拖篋」行動抗議。

馬時亨噚日下晝出席活動時，被問到呢個「背囊廣告」風波，佢就解畫話係希望方便乘客，提醒大家上車時「將就吓」，等車廂唔使太擠迫，「絕對無令到大家唔開心嘅意思」，仲話想市民明白佢哋嘅出發點，「令大家舒服啲」。

更多港聞

長毛教護髮﹕唔好吹 免暴曬 用髮尾油

【明報專訊】自由黨榮譽主席田北俊（田少）主持嘅商台節目《田式生活》，噚日請來社民連立法會議員梁國雄（長毛）做嘉賓，田少同長毛除咗講政治同社運... 詳情

楊潔篪多謝陳智思抽空上京

【明報專訊】中央港澳工作協調小組副組長、國務委員楊潔篪噚日出席港區人大代表團會議，會上重申中央對特首嘅四大要求。有與會者透露，會後佢逐一同人... 詳情

田二少講「中港關係」 吳秋北「指正」用字

【明報專訊】內地官場用語係一門大學問，平日喺香港嘅港區人大代表上到北京出席兩會，除咗練好普通話，連遣詞用字都係一個挑戰 。噚日港區人代開會，... 詳情

慶回歸20年 全球水墨畫大展暑假舉行

【明報專訊】如果由新石器時代嘅彩陶文化作為起點，原來中國繪畫至今已經有5000幾年嘅歷史。Emily留意到藝育菁英基金會將會喺今年8月3號至... 詳情

韓藝術家作品來港

【明報專訊】尖沙嘴海港城於3月7至28日喺商場內外舉辦「拉闊藝術」展覽，邀得4名韓國藝術家的作品，包括金大成取材自《愛麗絲夢遊仙境》故事系列... 詳情