職工盟要求超市收銀員有櫈坐
[2017.01.28] 發表
【明報專訊】之前有藝術工作者以唔同形式為超級市場收銀員同保安員爭取有張「工作座椅」，職工盟亦喺其中一個全港最大超級市場嘅分店調查，喺154間分店入面，無一間有正式嘅工作座椅畀員工。
職工盟商業及成衣業總工會總幹事張麗霞話，喺極有限嘅情况下，最多見到店舖入面嘅收銀處有一塊有膠墊嘅輔助墊，畀收銀員可以挨一吓。佢話勞工處10幾年前已發過「零售業預防長時間站立 引致健康危害的指引」，叫僱主確保員工工作時要得到妥善安排，最好可以坐喺度工作，否則都要提供可以承托腳部嘅矮欄或腳踏，可惜都係無約束力，令好多零售業嘅打工仔依然要企喺度做嘢，佢哋好希望零售業僱主可以重新審視收銀處嘅工作空間，為員工提供工作座椅，或設合適站立嘅工作輔助工具。
更多港聞
相關新聞
