500「假日農夫」製土窰掘慈姑
[2017.01.09] 發表
【明報專訊】香港人生活咁忙，放假去郊外行吓真係零舍精神爽利！長春社、香港觀鳥會噚日舉辦「塱原收成節」，近500個市民一齊做「假日農夫」，喺塱原割禾、掘慈姑，仲可以即場用泥製作土窰煮番薯𠻹。
參加噚日活動嘅，男女老幼都有，長春社助理保育經理許淑君話，希望透過活動畀市民感受落田嘅樂趣。參加者喺農場掘慈姑，掘到嘅慈姑可以帶返屋企。現場仲有專人教參加者用泥製作土窰煮食，即係先用泥砌出土窰，再用木卡板做燃料起火，整熄個火之後，將番薯、粟米放入去，焗大約兩小時就食得喇。除咗耕作，現場仲有生態導賞團，有專人講解當地生態、農作物同候鳥。今次收成節已經係第11屆，周六(14日)仲有一日活動，但已經額滿，如果想參加就要等下年啦。
更多港聞
【明報專訊】民主黨一年一度黨慶，將會喺3月17日舉行晚宴，今年由於遲咗訂場，而且亦希望場地可以鬆動啲，晚宴會由尖沙嘴移師九龍灣舉行。
...
詳情
棄抄寫幼園擬9月開學 採芬蘭教學法 主張遊戲中學習
【明報專訊】芬蘭教育主張快樂學習，國際測試成績卻傲視全球。標榜採用芬蘭教學法的天越創思國際幼稚園（Sky Wide Internationa... 詳情相關新聞
