未認得覆核案學生 梁愛詩叫莫嘉傑做「黃生」
[2016.11.21] 發表
【明報專訊】基本法委員會副主任梁愛詩噚日出席一個為青年舉辦嘅宣誓釋法論壇，近日因為司法覆核議員劉小麗宣誓而頻頻見報嘅城大專業進修學院學生莫嘉傑，亦有到場向詩姐發問。莫嘉傑自我介紹後，問詩姐人大釋法對劉小麗案嘅審判有無影響，但詩姐第一句就話「多謝黃生嘅問題」，似乎認唔到對方。
莫嘉傑由活動開始到結束坐咗兩個鐘，去到問答環節，就請教詩姐法律意見，話自己已經入稟，形容劉小麗以「龜速」宣誓，亦喺facebook話讀出嘅誓言係無意義，咁呢啲行為係咪已經符合釋法條文入面所指嘅「不莊重、不真誠」呢？
詩姐話，劉小麗案已經進入司法程序，不便評論，亦只睇過報道，未睇過對方facebook，但強調任何議員都要按法律宣誓，先可以就任，否則即使已經就任，都要離任。
更多港聞
【明報專訊】教聯會訪問逾500名現職及退休教師，了解他們認為下屆教育局長需具備什麼條件，當中97%受訪者認為要關心教師及學生的需要，其餘包括...
詳情
相關新聞
