經民聯派報告 曬成員舊相 肥老闆張華峰曾經fit過

有「肥老闆」之稱嘅張華峰（上圖），40幾年前初初喺遠東交易所做嘢，身材仍未走樣（左圖），呢張相比較少見，喺《經民天地》度就可以睇得到。（資料圖片）

【明報專訊】立法會會期7月即將結束，議員都要向選民報告議會工作。經民聯多名議員，包括主席梁君彥、副主席林健鋒、盧偉國及梁美芬等噚日就喺中環鬧市向市民派發會刊《經民天地》。新一期嘅經民天地印咗萬幾本，會喺商會同地區派發，會刊除咗有經民聯動向，仲有各議員嘅專訪，大賣佢哋溫情一面。例如林健鋒貢獻咗1980年代初喺大陸「開荒」嘅珍藏相，講當年返大陸做生意經歷。佢話，當年上大陸無冷氣又要餵蚊，無人想去，不過去咗先知好正，成功搭上內地經濟「頭班車」。佢勸告年輕人，要勇於嘗試向外闖。

人稱「肥老闆」嘅張華峰就曬自己初入行喺遠東交易所做出市員嘅相，當時嘅佢都幾fit，完全無𠵱家嘅大肚腩。縱橫股壇多年嘅張華峰透露，一直鍾情港交所(0388)，因此388上市後一直持有，從來未試過賣晒，一定要有啲揸手。

唔少人知道盧偉國精通各種樂器，琵琶、笛、二胡、古琴樣樣都得。童年住喺九龍城分租房嘅佢話，細個能夠自學音樂，都多得當時鄰居容忍度高，對佢初學者嘅噪音從無投訴，感嘆當年鄰里之間嘅感情深厚。

更多港聞

趁脫歐入市田少買英國樓收租

【明報專訊】英國脫歐公投噚日塵埃落定，結果令唔少人跌眼鏡，亦對全球金融市場帶嚟震盪，但自由黨榮譽主席田北俊（田少）就有唔同睇法，形容呢次係「... 詳情

馮康寶貝女為民主思路助選

【明報專訊】民主思路噚日舉行記者會，公布未來10年香港政策藍圖，新界東聯網前總監馮康嘅寶貝女馮海容（Elizabeth，圖）都有現身幫手。原... 詳情

施榮懷細仔 小鮮肉派傳單

【明報專訊】呢幾日香港持續高溫，正午烈日當頭，企耐啲都一身汗、好易中暑。不過Emily噚日喺中環街頭遇見中華廠商會永遠名譽會長施榮懷個細仔施... 詳情