【明報專訊】政府正就全民退保做諮詢，「爭取全民退休保障聯席」噚日舉辦全民退保論壇，民主黨陳樹英台下發言時話，有調查顯示，超過七成人同意將部分強積金供款轉去全民退保。點知林鄭回應「咁大膽提出MPF(強積金)轉移，不如全部轉晒去」，在場人士立即起哄同拍手，亦有人大叫「好」。不過，其實林鄭只係講反話，仲立即補飛話，「學者研究過之後都覺得提出一個全部轉移方案係不切實際」。 到底政府係咪真心誠意搞全民退保？林鄭月娥話全民退保從來都唔係政府或者特首2012年競選承諾。佢話老人家需求係多，如果仍認為一個養老金可以解決晒每一個長者嘅擔憂「唔係事實」。 社工復興運動多名成員喺其間舉高已經寫上「歪」字嘅手掌，另一隻手就指住講台，諷刺政府講歪理。
|
| |
| |
;)
