曾鈺成：03年七一遊行前夕 梁錦松早料「起碼30萬人」
[2016.03.19] 發表
【明報專訊】立法會主席曾鈺成卸任在即，早排接受傳媒訪問，講到特區政府體制有漏洞，又披露2003年七一遊行前夕政府官員當中，只有時任財政司長梁錦松能夠估到有30萬人遊行。
批政府欠遠見
曾鈺成接受《都市日報》訪問，講起梁錦松喺2003年七一回歸升旗禮主動問佢，下晝會有幾多人出嚟遊行，有人當場就估幾萬人，阿松就舉起3隻手指話「起碼30萬」。曾鈺成話，阿松身為政府第三把交椅，意識到會有呢個數，但政府內部就無做準備。
曾鈺成又話，行政會議開會唔會傾問題背後原因、處理方法，呢個正正就係管治模式問題，內地領導人反而會分析形勢，提出幾大任務，願景清晰，佢批評特區政府開會欠缺呢種遠見同願景。
更多港聞
相關新聞
