「本地蛋」深刻 田少話《十年》好悶

陳偉業（左）前晚包場請朋友睇《十年》，李鵬飛（中）同田北俊（右）都去捧場。田少話可以了解吓當前部分香港人嘅顧慮。（田北俊facebook圖片）

【明報專訊】電影《十年》上映後賣座，又引起唔少年輕人共鳴，令唔少泛民甚至建制議員都湊埋熱鬧睇。自由黨田北俊(田少)前晚就應人民力量陳偉業(大嚿)邀請，出席大嚿包場搞嘅放映會，唔知田少嘅影評如何呢？

話睇開笑片同動作片

《十年》入圍咗香港金像獎最佳電影名單，但田少同Emily講，套戲令佢最深刻嘅部分，係電影尾段講本地意識嘅「本地蛋」故事，不過就話整體嚟講覺得套戲「好悶」，因為自己睇開嘅都係笑片同動作片，少接觸《十年》呢類電影，而佢亦有啲情節睇唔明。

田少話自己最希望香港「50年不變」，唔想香港10年後會變到好似戲入面咁，又話雖然齣戲喺旺角衝突前上映，但覺得無論係中央政府或特區政府，睇到套戲都會覺得「不是味道」。

唔少議員都睇咗《十年》，咁官員又應唔應該睇吓呢？田少就話，作為政治人物，無論左中右都應該睇睇套戲，因為可以了解吓唔同人諗法咁話。呢齣電影有5個獨立故事，講述5個10年後香港嘅政治環境，其中一個故事講述有人自焚爭取自決嘅片段，引發唔少議論。

更多港聞

「饑饉三十」訪柬 不再揮霍買波鞋

【明報專訊】今年「饑饉三十」將於4月9至10日舉行，只要完成30小時嘅饑饉活動，並提交相關作品，就有機會參加8月嘅柬埔寨考察團。24歲嘅葉承... 詳情

幼園勞作砌電視考起家長

【明報專訊】有名幼稚園被指要求K3（高班）學生的農曆年假期完成多份功課，包括親子一同用紙盒製作「電視機」，有家長不滿工序繁複，「要用粟米片盒... 詳情

新年送暖 栽花贈長者

【明報專訊】英基學校協會轄下沙田學院推行一人一花計劃，康文署每年會向學校派發種子讓學生栽種。該校40名學生，上月到安老院探訪長者，送上親手栽... 詳情

時事通識教材

【明報專訊】（請看附圖） 詳情

時事議題﹕極端天氣將成常態？

【明報專訊】2016年1月天氣反常，「世紀寒潮」席捲全球，香港氣溫低見3℃，山頂出現難得一見的結霜、結冰、霧淞等氣象。專家指出，人類處於極端... 詳情