馮煒光拍片 自爆當街被人鬧
[2015.11.30] 發表
【明報專訊】新聞統籌專員馮煒光言論向來惹火，估唔到連出街都會畀阿叔鬧。馮專員噚日喺facebook上載短片，係佢喺街頭被一個唔認識嘅阿叔鬧，雖然馮煒光被人鬧，但亦好似一般網民咁立即用手機拍片。片段中該名叔叔見到馮煒光拍片就絕不客氣，仲叫佢「掟埋上網啦，又用你金鍾仁嗰啲咩衰名啦……全香港居民都唔歡迎你呀」。
馮煒光亦不甘示弱，澄清自己曾經係民選區議員，阿叔就話如果佢咁叻，就唔會「畀人踢落樓」啦。馮煒光當然否認，但阿叔仍繼續鬧佢，相信馮煒光同人鬧交鬧到一直企喺馬路，有司機就「響按」提佢，條片持續兩分鐘，直至馮煒光自己熄機為止。佢喺fb話，自己喺街頭等的士，「忽然被這位先生辱罵(我既不認識他，也絕無挑釁他)。香港為何會變成這樣？」
更多港聞
科大辦生物科技兼商科課程 雙劍合璧 利創業投身基金界
【明報專訊】科技大學下學年將推出全港首個生物科技及商學理學士課程，教授內容包括商學及生物科技學的核心課程，希望培育出同時具備兩方面知識的畢業... 詳情
【明報專訊】青年協會青年領袖發展中心昨舉辦「香港旅俠」啟動禮，公布37項由青年團隊自設的北區之旅，入圍的15至29歲青年團隊共有121人，他...
詳情
相關新聞
