【明報專訊】立法會行政管理委員會噚日發表2014/15年嘅事務報告，講吓過去一年立法會各部門嘅工作，其中翻譯及傳譯部過去一年翻譯質詢、議案、委員會文件同會議紀要等，一共翻譯咗13,826,535個字，真係難為秘書處人員！ 另外，立法會上年度為逾4萬名市民提供咗大約1500個教育導賞團，亦為小朋友舉辦咗184個講故事環節，基本上可以列為本地旅景點。 曾鈺成﹕不平凡的一年 立法會行政管理委員會主席曾鈺成喺報告回顧，形容舊年係不平凡嘅一年，立法會行管會同秘書處都勇於接受挑戰，確保立法會運作順利。但遺憾嘅係，立法會大樓內外去年爆發咗多次暴力衝擊，令秘書處多名職員受傷，財物損失不菲。 曾鈺成又強調，立法會推出多項新保安措施，例如修訂公眾示威指引、收緊安全檢查程序，同埋增設保護裝置等，都係為咗維持立法會大樓暢通無阻，亦為大家提供安全嘅環境。 立法會秘書處亦致力喺大樓內推動環保政策，去年就成功令用電量減少2.9%，去到9,886,515千瓦特；廢紙收集量亦由前年嘅4.7萬多公斤增加到近6萬斤，增幅有成25.2%。
|
| |
| |
;)
