湯家驊與青年評論員傾理念
[2015.09.28] 發表
【明報專訊】退出公民黨嘅湯家驊(Ronny)成立咗「民主思路」之後,都有同泛民、建制團體會面,其中由唔同政黨嘅新生代組成嘅青年時事評論員協會,上星期五晚同Ronny食飯,希望了解民主思路嘅理念同方向。今次出席嘅包括民建聯副主席周浩鼎、新民黨中委甘文鋒、自由黨青年團副主席楊浩泉等,Ronny一餐飯就見晒建制政黨代表。
周浩鼎話,湯家驊席間講到,𠵱家政治環境充滿口號式政治,sound bite主導,佢希望民主思路可以帶嚟一啲改變。佢又話,雖然席間大家對好似政改等議題觀點唔同,但君子和而不同,呢餐飯大家仍然言談甚歡。
另外,退出咗民主黨嘅黃成智、狄志遠話籌組新平台,佢哋今日會見傳媒,佢哋透露籌組緊嘅政黨會叫「新思維」,講吓佢哋嘅信念,介紹吓黨員咁。不過,佢哋發出嘅採訪邀請係話今日搞「紀者茶會」,連「記者」都寫錯。
更多港聞
【明報專訊】區議會選舉今個星期五開始接受報名,民主黨早前話部分考慮出選嘅選區同「傘兵」撞區,有啲更加協調唔到。「青年新政」召集人梁頌恆噚日喺...
詳情
相關新聞