【明報專訊】扶貧委員會轄下嘅社創基金前年獲獎券基金撥款5億元成立，繼今年初委聘咗4間協創機構推動創新計劃之後，最新搞作係以7位數字，招聘機構幫手建立一個食物援助嘅電子平台，等熱食服務可以喺計劃嘅5年內擴大至全港18區。

聘機構幫手 加強資訊交流

原來?家全港有750個提供熱食服務地點，但唔係區區有，亦無統一嘅服務資訊。扶貧委員會社創基金小組主席、教院校長張仁良同Emily講，希望呢個平台可加強食物捐助者同熱食供應機構嘅資訊交流，比如食肆有剩食，當區廚房從平台得知，可以立即派人回收。

佢仲想鼓勵運輸業界參與，「如果電召貨van吉車回程時順路，係咪可以幫手車埋食材去廚房呢？」除咗善用資源，參加嘅機構亦要諗計統一?家嘅服務水平，如制訂實務守則同合約樣本，等小商店、小機構參加時唔使咁頭痕。社創基金小組估計年尾就會揀好計劃，希望出年推行為期2至5年嘅項目，先喺3區推行最少6個月先導計劃，再將項目擴至18區。Emily問過提供熱食服務嘅惜食堂同聖雅各福群會，佢哋都話會參加簡介會，希望未來有方法解決物流同人手等問題。