維修中城巴誤駛出勤
[2015.06.11] 發表
【明報專訊】有市民前日下午由機場博覽館搭城巴E22X嘅時候，見到上層巴士中間有成排木柱，木柱仲要寫住「請收回 下次用」，有人告知車長，車長先喺小蠔灣港鐵車廠附近停埋一邊，上去上層一睇，先發現呢啲木柱，原來架車係維修緊嘅巴士，唔應該載客，結果車長要請乘客轉搭另一架巴士走。估唔到維修緊嘅巴士都可以載客，好在冇發生事故啫。
城巴發言人同Emily講，涉事巴士型號係亞歷山大丹尼士E58MMC 12米雙層巴士，車齡1年，嗰啲木柱係保養車身時用嘅木方，巴士本來放喺車廠，但有車長誤將巴士駛咗去巴士站，結果就有呢個烏龍。發言人話呢架巴士已經完成車身保養工程，只係未移除木方，之後已經由職員駛返去車廠檢查。
(網上圖片)
更多港聞
【明報專訊】中文大學逸夫書院將於周六舉行亞洲領袖會議，與亞洲領袖之行（Asia Leadership Trek）合辦，以「領導變革的21世紀...
詳情
【明報專訊】「誰說家庭主婦只會做飯、照顧孩子和做家務？我們也有夢想！」一年前，郭太仍然在家裏日復一日處理瑣碎乏味的家務事；一年後，她搖身一變...
詳情
相關新聞
