蒲台島海域發現古炮
疑屬二戰沉船

香港水下考古總會上月底喺蒲台島以南海域潛水時，發現一尊長逾6呎、直徑2.5呎嘅古炮，估計附近海域可能埋藏咗一艘二戰日佔時期嘅沉船。（香港水下考古總會提供）

除咗古炮外，香港水下考古總會近期喺小西灣黑角頭海域發現到一個長3至4呎嘅橢圓形金屬體，懷疑係戰時炸彈。（香港水下考古總會提供）

【明報專訊】本港水域近期係咁搵到疑似戰時沉船嘅遺蹟。繼上月底喺舊灣仔碼頭對出海牀搵到疑似二戰時嘅沉船殘骸後，香港水下考古總會成員近期喺港島東南嘅蒲台島潛水時，喺離岸100米嘅十幾米深水底發現一尊古炮、兩個巨型船錨及粗大鐵鏈，同日又喺小西灣黑角頭對出海域附近，發現疑似戰時炸彈嘅橢圓形金屬體，一時之間本港遺蹟發現碩果纍纍。

同日黑角頭海域檢橢圓金屬體

香港水下考古總會主席胡名川話，上個月29號佢同其他成員一齊到蒲台島以南海域潛水，其間有成員喺十幾米深水底，先發現到一尊巨型古炮，長度超過6呎，直徑有兩呎半，估計重1噸；其後喺附近海域發現到兩個船錨，每個約有6呎高，並搵到粗約1.5呎嘅鐵鏈。佢話根據物件類型同體積推測，附近海域可能埋藏咗一艘超過200呎長、年代久遠嘅巨型武裝鐵沉船，相信有可能屬於二戰日佔時期。總會暫時將懷疑沉船命名做「蒲台一號」，計劃今個月底再出海深潛，希望搵到沉船。

無獨有偶，有部分總會成員同日喺小西灣黑角頭海域，發現到一個長3至4呎嘅橢圓形金屬體，懷疑係戰時炸彈，暫時仲未向政府呈報。

更多港聞

《議事論事》30年 堂邊鶴畫贈曾鈺成

【明報專訊】香港電台節目《議事論事》明年踏入30周年，噚日立法會主席曾鈺成出席《議事論事》錄影時，獲主持李鵬飛（飛哥）送贈一幅全體立法會議員... 詳情

會武漢港生 梁振英：勿忘粵語

【明報專訊】特首梁振英（CY）經常強調，自己去親「內交」都會搵吓當地港人，正喺武漢訪問嘅佢噚日上午參觀武漢大學，亦有搵到嗰度嘅香港學生。中新... 詳情

議員考察山頂纜車

【明報專訊】山頂纜車公司經營權年底屆滿，政府建議5月修訂《山頂纜車條例》，向現有纜車公司批出10年經營權。纜車公司早前話計劃投資6億元改善服... 詳情

一哥陪林鄭遊警總

【明報專訊】早前自稱係警隊「粉絲」、會「偏心」警隊嘅政務司長林鄭月娥（右二），噚日由警務處長曾偉雄（右一）陪同參觀灣仔警察總部，睇咗網絡安全... 詳情