一哥陪林鄭遊警總
[2015.04.10] 發表
【明報專訊】早前自稱係警隊「粉絲」、會「偏心」警隊嘅政務司長林鄭月娥(右二)，噚日由警務處長曾偉雄(右一)陪同參觀灣仔警察總部，睇咗網絡安全及科技罪案調查科等，並同行動部人員交流。警方舊年共接獲6778宗科技案件舉報，較前一年上升32%，網絡安全及科技罪案調查科就啱啱由科技罪案組升格，一哥梗係要帶林鄭睇吓。林鄭聽咗負責調查網絡攻擊嘅網絡安全中心簡介，又了解警方查案用嘅法理鑑證技術。
唔知係咪近來有報道話有恐怖組織喺香港招兵買馬，林鄭又到訪反恐怖活動及內部保安組，聽佢哋介紹反恐對策，最後就同行動部人員交流。行動部做啲乜？其中一項工作就係負責處理遊行示威。林鄭參觀後就讚揚全體警務人員以忘我精神同專業態度，維護香港公共安全。
(政府新聞處)
更多港聞
相關新聞
