【明報專訊】政務司長林鄭月娥噚日出席立法會內委會特別會議，講政改諮詢報告，兩個鐘�儱|議上，政府盟友民建聯最多機會發問，12個議員(唔計立法會主席曾鈺成)有成7個人有得問，不過唔係所有民記議員都大讚政府，好似鍾樹根，就要求林太諗辦法收窄分歧，唔應該拋個波畀立法會自己解決。

樹根話大家對政改意見南轅北轍，都唔係始於今日，相信都幾難解決，質疑林太話要�鰬F治罅縫中找尋最大共識，其實只係政治口號。林太回應話佢都唔敢奢望可以做到，但強調大家都要共同努力，收窄分歧。點知樹根未肯放過林太，反而批評林太「你唔應該將個波拋畀我�]」，更指「我�]同隔籬(泛民)無偈傾，好難有共識」。

林太就笑言鍾樹根同隔籬無偈傾唔緊要，因為政府會「分開傾」，佢話相信同泛民未去到咁差�屪鰜Y，又話�M家對收窄分歧信心不足，但希望誠意搭夠。