【Emily】盲盒要規管? 丘應樺引述9條例答
[2025.10.09] 發表
【明報專訊】近年流行抽「盲盒」，不過有議員擔心會成為另類賭博，又或者涉及避稅同違禁品風險。選委界議員李浩然向立法會提交書面質詢，關注當局會唔會規管「盲盒」呢種銷售模式，商經局長丘應樺回覆時引述9條不同法例，話香港有唔同法例保障消費者權益、打擊不良營商手法，亦有嚴格嘅進出口管制。
李浩然話，有意見認為消費者追求「盲盒」帶嚟嘅刺激感同僥倖心理，而唔係貨品本身，問政府有無評估「盲盒」可能存在嘅賭博成分；又提到境外售賣嘅「盲盒」可能涉及避稅、違禁品等風險，當局會唔會參考新加坡、內地等規管售賣「盲盒」。
丘應樺諮詢其他政府部門後綜合回覆話，留意到其他地方有規管「盲盒」嘅銷售模式同產品安全，之後佢以大篇幅列出本港多條法例，話香港有唔同法例規管各類產品安全、保障消費者，例如《商品說明條例》禁止不良營商手法、以盲盒賣藥可能犯法。佢又話會繼續留意不良營商手法趨勢、各類物品嘅最新安全標準，制訂應對策略。
更多港聞
攬大量內地生員 THE讚八大國際化 5港校入大學百強 港大33 3間排名新高
【明報專訊】英國《泰晤士高等教育》（THE）今日公布2026年度世界大學排名，本港續有5間大學位列全球百強，排名皆升，其中香港大學位列第33... 詳情
【明報專訊】屯門東華三院辛亥年總理中學一名體育男教師上周四（2日）情緒不穩，傍晚衝上學校天台，警方將案件列作「企圖自殺」，事件在網上掀討論。...
詳情
相關新聞
