【Emily】全運會首批門票今售 港4項目最平55蚊
[2025.08.28] 發表
【明報專訊】第15屆全運會11月開鑼，文體旅局噚日出稿提醒香港賽區4個競賽項目門票今朝10點開售，票價由55至549元不等，市民除咗可以喺十五運會官方票務網站同微信「十五運會官方票務」小程序買飛，亦可以喺11間中旅社指定銷售點買飛，線上線下門票都採實名制。
Emily噚日開過十五運會官方票務網站嚟睇，網站已更新「賽事購票」頁面，註冊咗嘅用戶登入並選擇「賽事購票」後，可以睇到有咩賽事項目、比賽時間同場次可以揀，香港同廣東賽區共有21項賽事門票可以買。至於其餘項目，當局話計劃喺9月下旬同10月上旬分階段同分批次發售。
首批開賣嘅香港賽區項目包括沙灘排球、男子手球、男子U22籃球、七人欖球。以七欖為例，市民可揀選11月12至13日舉行嘅預賽「全日通」門票，售價110元；同月14日嘅半決賽/決賽「全日通」門票就劃分A、B、C票檔，售價分別係329、219同110元。
當局提醒，透過線上渠道買香港賽區門票須用香港身分證，廣東賽區項目門票要用回鄉證。每張訂單最多可買同一場次門票6張，熱門項目最多只可買同一場次門票3張。線下買飛就要出示購票人同所有觀賽者嘅姓名同身分證明文件號碼，包括副本。
更多港聞
【Emily】300「青年大使」上任 將駐守景點接待遊客
【明報專訊】「香港青年大使計劃」踏入第25年，歷年培育咗超過5650名青年大使，今屆委任咗近300人。佢哋將會駐守各旅遊景點，例如海洋公園、... 詳情
【Emily】嚴打違例吸煙 兩日發18票控 8?31起增10運輸設施禁煙區
【明報專訊】衛生署控煙酒辦星期一（25號）起，一連6日喺全港公共運輸設施法定禁煙區加強打擊違例吸煙。控煙酒辦主任林民聰噚日喺港台節目話，控煙... 詳情
【Emily】下月一帶一路高峰論壇 18地90翹楚參加
【明報專訊】第10屆「一帶一路高峰論壇」將於9月10至11號喺會展舉行，今屆以「合作求變 共建未來」為主題，大會話有超過90名來自18個國家... 詳情相關新聞
