香港銀行會否爆煲？

作者指隨?樓市回穩，最壞的情?已經過去，根本不用擔心銀行因地產商或者投資者在暫時未能依期還款的情?下爆煲，說到底那些貸款有足夠抵押品，未能依期還款只可以話是不良貸款，並非壞帳，不良貸款是不會令銀行爆煲。

星期六早上去到茶餐廳，有客人話昨晚睇到條片，較早前不斷唱衰湯文亮的YouTuber改口話香港銀行如果唔向發展商及投資者call loan，隨時會爆煲，全部香港人要陪葬。

老闆話，真係唔知點解有咁多YouTuber望香港衰，銀行借錢畀發展商就好似借錢畀人做生意，不但唔可以隨便call loan，有時候甚至要借多?錢畀發展商完成項目，貸出去款項才可以順利收回。如果銀行隨便call loan最後會出現兩敗俱傷，發展商不在話下，分分鐘可能要清盤，銀行除了收唔返貸款之外，仲嚇到其他人唔敢問銀行借錢。

至於借錢畀投資者就要採取另一做法，最簡單就是強制投資者出售一些資產降低借貸比率，這亦是港銀現在採取的做法。

不過，今次的確是投資者做得不好，有部分投資者採取「躺平」，令銀行沒收他們的物業，再低價出售，造成樓價下跌，影響正在努力解決問題的投資者。

一家銀行出事 其他會支援

不過，隨?樓市回穩，最壞的情?已經過去，根本不用擔心銀行因地產商或者投資者在暫時未能依期還款的情?下爆煲，說到底那些貸款有足夠抵押品，未能依期還款只可以話是不良貸款，並非壞帳，不良貸款是不會令銀行爆煲。

令銀行爆煲是會突如其來，歸根究柢是兩個字：唔信。當市民唔信銀行，就會出現擠提，銀行就會爆煲。

不過，銀行界好似五嶽劍派，同氣連枝，某家銀行被傳爆煲，其他銀行會八方支援，否則最後會受到牽連，YouTuber話銀行爆煲，只是信口開河，亂?一通而已。

湯文亮

紀惠集團行政總裁