【Emily】東華流動中醫車服務元朗簡屋居民
[2025.08.18] 發表
【明報專訊】位於元朗攸壆路嘅簡約公屋由「領先管理有限公司—東華三院聯營」管理。房屋局長何永賢噚日喺社交平台發帖話，營運機構之一嘅東華三院派出流動中醫車，提供基本診治同針灸服務，令簡約公屋居民一落樓就可以睇症。
副房屋局長戴尚誠日前到攸壆路簡約公屋，了解流動中醫車服務。有經常睇中醫嘅居民話樂見有流動中醫車，認為睇症更方便，而且收費比一般診所便宜。駐場中醫師話，車內有布簾分隔診症區同針灸牀，所以能夠喺針灸期間同步幫其他病人診症，不過佢亦提醒話流動車主要針對痛症、感冒等輕症病人，建議長期病患及重症病人到診所求醫。
另外，營運機構會定期舉辦健康講座，透過「健康探索坊」分享診後護理知識、健康生活習慣等資訊，並會為居民量血壓。
更多港聞
相關新聞
