亮相鄧英敏網上節目 患柏金遜症羅浩楷心願開音樂會
【明報專訊】75歲無綫前藝人羅浩楷淡出幕前10年，2015年拍畢劇集《東坡家事》後健康出問題，主動向無綫提出解約，當時他因椎間盤突出令腰骨無法挺直，早前他受訪自爆10多年前患上柏金遜症，近年健康狀况漸差，出入要靠輪椅代步。羅浩楷近日再次亮相好友鄧英敏主持的網上節目，相比4年前，狀態較之前遜色，當時他能坐着彈結他，今次要坐輪椅，又表示身體覺得攰。
要求現場樂隊 拒絕咪嘴
片中鄧英敏陪羅浩楷揀電動輪椅和「試車」，說起對方希望開迷你音樂會的心願，羅浩楷說︰「我已經同導演講，佢好贊成，佢借個地方畀我，我喺呢度搞都得㗎，個個坐晒喺啲輪椅度聽，我哋喺度彈歌畀佢哋唱，佢哋喺度唱歌，做表演嘉賓又得，或者我自己唱又得，大家都好自由。我想唱咩歌？《李香蘭》，我大佬係玉置浩二，我叫玉置浩楷。」
鄧英敏笑問他可想找玉置浩二、張學友一同合唱，羅浩楷風趣說︰「佢(張學友)唔得閒啊，佢有巡迴演唱會。我叫佢，佢一定要畀面嚟，就好似胡老楓(胡楓)咁。胡老楓話叫邊個，邊個都會嚟。」鄧英敏謂︰「我哋希望喺短期內搵一個細細嘅地方，真係以歌會友，可能60人左右。」羅浩楷說︰「做得好就做多幾場，有冇想邀請啲乜嘢特別嘉賓？冇啊，我淨係諗住自己，自己顧自己。唱晒成個音樂會？唔係，我最多唱3隻。」羅浩楷表示音樂會要有現場樂隊，拒絕唱MMO(咪嘴)，「冇氣氛啦，𠵱家唔興㗎，老餅先至用MMO，畀人笑咩，大佬，你夠唔夠老啊？𠵱家個個都係玩樂隊」。
稱羅浩楷投資股票贏多輸少
鄧英敏最後表示不少朋友也想為羅浩楷介紹醫生，羅浩楷說︰「我覺得最好就係睇吓有邊隻股票近來好有前途，我就會介紹畀你，你就攞去黃大仙扶乩，睇吓得唔得。如果得嘅話，你就介紹畀啲觀眾，叫做《老友鬼鬼好number》，等大家執多少飲吓茶，振興吓香港，香港消費，好唔好？」鄧英敏補充稱羅浩楷對投資股票有研究，贏多輸少，每日執少少，亦有家人與工人照顧。
娛樂組
何啟華拒學193跟網民開火 梁業嘆自製緋聞無人理
【明報專訊】ERROR成員梁業（肥仔）與何啟華（阿Dee）昨日到樂富出席活動，分享環保信息，阿Dee笑稱平時不出街，不開冷氣不開燈，匿埋在家... 詳情
《醬園弄．懸案》遇滑鐵盧 陳可辛稱寧匿名執導 葉念琛批情勒
【明報專訊】陳可辛執導電影《醬園弄．懸案》先後在內地與香港上映，集章子怡、楊冪、易烊千璽、趙麗穎、大鵬、雷佳音和王傳君的演員陣容成焦點。香港... 詳情
投資百萬健康療癒工作室 楊梓菁偕兩歲子開幕 拒談感情狀况
【明報專訊】楊梓菁斥資過百萬與友人合伙在大坑開設健康療癒工作室，昨日開幕，她偕快將兩歲兒子出席，袁偉豪與張寶兒、葉泓聲和陳樂榣、陳展鵬及單文... 詳情
