《醬園弄．懸案》遇滑鐵盧 陳可辛稱寧匿名執導 葉念琛批情勒
【明報專訊】陳可辛執導電影《醬園弄．懸案》先後在內地與香港上映，集章子怡、楊冪、易烊千璽、趙麗穎、大鵬、雷佳音和王傳君的演員陣容成焦點。香港上映時，舉行明星好友特別場，梁朝偉稱期待睇下集，黃秋生亦讚無得頂，靠眾星帶口碑力谷，不過票房不成正比，有人形容陳可辛遇滑鐵盧。《醬園弄．懸案》香港發行商「安樂影片」近日在YouTube上載谷德昭訪問陳可辛的節目，分上下兩集，形式類似ViuTV《爆谷一周》。陳可辛自覺《醬園弄．懸案》「超越自己」，又稱因成名壓力更大，下部戲寧匿名執導更自由。葉念琛看完訪問，斥陳可辛情緒勒索觀眾，對對方稱寧匿名執導感心寒。
娛樂組
谷德昭在節目中稱原本安排陳可辛接受《爆谷一周》訪問，但對方一直忙於《醬園弄．懸案》後期，節目結束仍未能安排時間，終於待電影上映才有這番外篇。谷德昭回顧陳可辛當年的經典作，稱他成為大導演，拍大製作電影，合作的也是大明星，陳可辛提到甄子丹、湯唯、金城武主演的《武俠》票房失利，當時以為是自己突破之作，出席康城影展時充滿自信、神采飛揚，結果《武俠》被狂鬧，當時感覺受傷害。
陳可辛稱自己慘過年輕導演
今次《醬園弄．懸案》有同樣問題，反應比《武俠》有過之而不及，陳可辛覺得《醬園弄．懸案》做到導演準則「超越自己」，但對觀眾而言是沒有關係，因為導演是隱形似的。陳可辛跟谷德昭討論「脫節」問題，大呻與公司的年輕團隊溝通，說對年輕人「教化」的形容嫌刺耳，就算是對製作表達也不容易被接受，面對不會換位思考的觀眾，也是無偈傾。谷德昭問陳可辛新一輩導演下一步點行？他反問：「咁你覺得我咁嘅年紀嘅導演應該點行？仲慘過年輕人！」
葉念琛稱救市不單靠回憶圍爐
陳可辛稱電影業萎縮是全世界的問題，悲觀看這是不可避免的現實，他則以樂觀態度面對，「堅持拍你想拍的電影，如果跟住觀眾想睇咩戲去拍，唔會拍得好。因為我有個名，我唔係新導演，壓力更大。畀我做新導演可以free啲，我寧願下部戲唔掛陳可辛個名，平平哋拍，可能好過掛陳可辛個名」。
導演葉念琛在網上表示看完谷德昭訪談陳可辛的節目，兩人的對話令人無限唏噓，稱陳可辛言論是情緒勒索，寫道：「陳可辛都承認新作《醬園弄》唔work，本來宣傳電影忽然變咗兩個老人家緬懷過去，承認脫節嘅過程，成個訪問充斥住一份『拍完都唔知做咩』嘅無感。 最心寒嘅位係，陳可辛居然話，如果我𠵱家拍部戲，唔用自己個名，拍平啲，可能仲好過掛自己個名！他情願自己係新導演，可能仲易拍到戲。即係話佢已經覺得自己呢個名字，喺今日市場變成負累。當你要靠觀眾體諒，靠大家讚你『有誠意』，咁其實已經唔係電影本身吸唔吸引，而係入咗情緒勒索個level。話要大家捧場，但又明知部戲其實觀眾唔會鍾意，咁仲要觀眾做咩？你話市場差，我唔反對，但你有冇諗盡一切辦法去生存？觀眾其實一直都喺度，只係佢哋唔再等你準備好未！佢哋係等你做畀佢睇！」他稱香港電影有得救，但不是單靠回憶或圍爐來拯救，要生存要用盡方法拍落去。
投資百萬健康療癒工作室 楊梓菁偕兩歲子開幕 拒談感情狀况
【明報專訊】楊梓菁斥資過百萬與友人合伙在大坑開設健康療癒工作室，昨日開幕，她偕快將兩歲兒子出席，袁偉豪與張寶兒、葉泓聲和陳樂榣、陳展鵬及單文... 詳情
環球開源節流 郭偉亮稱如XiX新歌無突破 隨時解散
【明報專訊】4人女團XiX昨日到沙田出席第四首團歌《你唔明㗎喇》發布會，有傳是她們在環球最後一首歌，經理人郭偉亮（Eric Kwok）稱希望... 詳情
【娛樂場】舞台劇《鱷魚之吻》 談善言處女作演狠毒「阿寶」
【明報專訊】葉念琛過往執導不少電影，包括《獨家試愛》、《十分愛》、《紀念日》等，還有劇集《美麗戰場》的女主角都叫「阿寶」。最近他踩入劇團界，... 詳情
