【Emily】專頁惡搞整AI圖 葉太轉載讚「sweet」
[2025.07.28] 發表
【明報專訊】新民黨立法會議員葉劉淑儀一向都係網上談論嘅熱門人物，社交媒體甚至有專頁關注佢及出惡搞圖文。葉太噚日就喺社交媒體轉貼「我老公娶咗葉劉導致婚姻破裂關注組」嘅創作圖，其中一幅係一名關注組成員以AI整咗一幅以葉太肖像做主題嘅輕鐵列車，提議推出「葉劉主題輕鐵列車」；其餘幾幅圖係另一網民以太空人做造型，葉太駕駛機動戰士，話呢啲造型可以配合推動太空經濟云云。
葉太都係識玩之人，拎呢啲圖自抽，話多謝網民創作，大讚「so sweet!」。有葉太加持轉載，關注組成員都起哄，有人出帖話「每個人要以此為目標」，有人留言就讚「姐姐都好包容」、「要多謝姐姐咁大方支持二次創作」。
更多港聞
相關新聞
