【Emily】Super Junior港騷未開賣 售票先惹火
[2025.07.11] 發表
【明報專訊】韓國組合Super Junior(圖)將喺香港舉行兩場演唱會，門票未開賣已惹來唔少歌迷投訴，皆因售票平台大麥同Fantopia疑似無港幣結算安排。其中，大麥係內地平台，所有票務一律用人民幣結算；Fantopia就自稱香港公司，但此前銷售本港活動門票時係用澳門元(MOP)結算，收款公司係Fantopia Macao Limited。
兩平台被質疑唔收港幣
Fantopia稱會收籲放心
演唱會主辦方iMe HK同Fantopia噚日都回應爭議，話Fantopia前年已喺香港註冊，會用港幣收錢，呼籲觀眾放心使用。根據公司註冊處資料，Fantopia前年8月喺香港註冊為Fantopia(HK) Co., Limited，辦事處係灣仔一間秘書公司，但就唔係此前嘅收款公司。
消委會同Emily講，如果消費者透過非本地商戶營運嘅售票網站買飛，而且交易係直接同非本地商戶進行，一旦出現爭議，「一般不屬於消委會可介入調停的範圍」，呼籲大家交易前先考慮風險。不過消委會補充，該會已同內地30幾個省市、日本、韓國等多個地區嘅消費者保護組織達成合作協議，如果涉事平台或網站位於上述地區，消委會可按個別情况協助轉介個案。
海關就話，《商品說明條例》適用於身處香港、或喺香港通常營業嘅商戶所作出嘅營業行為，呼籲消費者保留交易單據同合約等文件，若日後要申訴，可作為基本資料。
更多港聞
【Emily】佛聯會7小學取消暑期作業 改做「任務」
【明報專訊】教育界近年都好關心學童嘅精神健康，轄下有7間小學嘅辦學團體「香港佛教聯合會」噚日宣布一則學生喜訊，話今個暑假轄下小學取消傳統操練... 詳情
【明報專訊】噚日係民建聯成立33周年，佢哋今年低調慶祝，只舉辦內部「生日會」，黨內領導層、多名元老等出席。黨主席陳克勤話，民建聯過去兩年已逐...
詳情
【Emily】紅會舞台劇《第八原則》賀75周年
【明報專訊】香港紅十字會即將踏入75周年，將首次同香港話劇團合作，製作原創舞台劇《第八原則》，呈現紅十字會75年以來扎根香港嘅服務歷程。《第... 詳情
中一書最高5900元 家長嘆貴 書局：今年多新科多改版 未見買舊
【明報專訊】昨天是中一註冊日，早上雖下大雨，仍有不少中一新生和家長辦理註冊手續後，到書局買新書。今年有中學買齊全套中一教科書的價錢達5900... 詳情
【明報專訊】中學文憑試（DSE）下周三放榜，青協昨日公布，今年5至6月在網上訪問490個應屆考生，約53%表示放榜壓力水平高、即約7至10分...
詳情
相關新聞
