【Emily】中電撥款千萬 助弱勢電力維修
[2025.05.07] 發表
【明報專訊】中電今年喺社區節能基金撥款1000萬元，安排專業電工上門免費為有需要嘅獨居或雙老長者、少數族裔、低收入家庭同殘疾人士檢查兼維修固定電力裝置，例如換舊電線、燈泡連底座、插座同安裝門鐘等，預計2000戶受惠。
中電2023年推出呢個「家居電力安全計劃」，舊年同民政事務總署、關愛隊等合作，今年就加入更多社區團體，例如九龍社團聯會、新界社團聯會、香港政協青年聯會、香港明愛、基督教家庭服務中心、救世軍同東華三院等，按個別家庭嘅需要上門檢查維修。
中電企業發展總裁莊偉茵話希望透過加強同社區伙伴合作，擴闊計劃嘅接觸層面，畀更多人受惠。新社聯荃灣地區委員會主席黃偉傑就話，唔少基層家庭遇到電力裝置故障，都負擔唔到更換或維修費，影響生活之餘仲有安全風險，好開心今次計劃幫到有需要嘅家庭。
更多港聞
【Emily】房委會噴漆機械人賽 擬選拔「能手」紓人手
【明報專訊】房委會近年採用建造機械人應對人手不足問題。房屋局向立法會房屋事務委員會提交文件，提及房委會今個月將舉辦房屋建築機械人比賽，比較多... 詳情
【明報專訊】立法會法案委員會周五（9日）將繼續逐條審議修訂《專上學院條例》。早前有議員關注新例下教師註冊準則，立法會昨日上載教育局回覆，當局...
詳情
【明報專訊】嶺南大學香港災難風險研究中心今年2月新推「倫理與全球災害風險」免費網上中英雙語自學課程，校方昨日表示累計逾8000人次報讀。嶺大...
詳情
相關新聞
