【Emily】大熊貓雕塑「撤退」 立法會歡送
[2025.03.01] 發表
【明報專訊】立法會地下大堂早排放咗150隻大熊貓雕塑畀市民同遊客打卡，佢哋終於係時候「撤退」喇！立法會主席梁君彥話，自2月12日展覽開始，呢半個月有超過4000人次去立法會同熊貓雕塑打卡，包括海內外遊客。噚日梁主席就同秘書處職員一齊歡送熊貓雕塑。
《PANDA GO！香港遊》大熊貓雕塑自2月12日喺立法會展出，噚日最後一日，梁君彥趁立法會秘書處嘅職員聯誼會舉行周年大會，同秘書處職員齊齊去搵熊貓雕塑影大合照。梁提到新一份《財政預算案》提出向旅發局撥款12.35億元，落實「無處不旅遊」理念及《香港旅遊業發展藍圖2.0》，政府亦會加強推廣熊貓旅遊等項目，佢深信香港旅遊業將有長足發展。
更多港聞
相關新聞
