【Emily】黃仁龍分享育兒「先後次序」
[2025.02.24] 發表
【明報專訊】大家愈來愈關注學生精神健康議題，慈善機構「生活教育活動計劃」(LEAP)噚日喺科學園舉辦「色彩躍你跑」慈善跑及嘉年華，應屆金馬獎影后鍾雪瑩和精神健康諮詢委員會前主席黃仁龍出席起步儀式。黃仁龍話，作為3名女兒嘅爸爸，有事時佢首先要管理好自己情緒，唔先急於解決孩子嘅「問題」，因為小朋友最需要嘅唔係解決方案，而係無顧慮咁畀佢哋盡情發泄情緒同埋表達嘅空間，然後畀小朋友決定點樣放鬆心情，再由父母同佢哋一齊去做。
精神健康慈善跑 鍾雪瑩同主禮
跑手陳家豪及「蜘蛛媽媽」鄭麗莎以活動大使身分參加活動，佢哋均認為，同子女一齊運動係教導小朋友點樣應對挑戰嘅好機會。身為田徑教練嘅陳家豪話，見到唔少年輕學員不堪比賽表現唔好嘅壓力，佢會鼓勵學生，話分數同名次唔係最重要，「突破自己，堅持到最後，不放棄便是成功」。
噚日嘅活動有1500名健兒參與10公里及3公里計時賽，以及親子1公里「哈樂開心障礙跑」，獎品都幾豐富，兩名10公里優勝者均獲得國泰航空送贈來回東京商務客位機票；兩名3公里優勝者就獲來回東京經濟客位機票。
更多港聞
【Emily】組隊跑山賽 陸瀚民鄭泳舜獲小組第三
【明報專訊】經民聯立法會議員陸瀚民鍾情跑步，噚日伙拍太太洪綺敏、議員鄭泳舜及另一跑友組成跑隊，參加「中移動香港行山節」，去西貢東郊野公園跑山... 詳情
【Emily】「G19」訪南沙 倡北都借鏡規劃
【明報專訊】立法會「G19」議員剛剛嘅周末一連兩日到廣州南沙考察，佢哋去到香港科技大學（廣州）與校長倪明選會面，又到訪當地青年創業基地「創享... 詳情
相關新聞
