【Emily】助防範電騙 新儲值卡來電設語音提示

[2024.12.31] 發表

【明報專訊】為協助市民防範可疑來電同提高警覺，通訊辦宣布今日起，當本地流動及固網服務用戶，接聽由本地新啟動流動電話儲值卡打出嘅電話，流動服務供應商會播放「來電由新儲值卡打出」嘅話音提示，然後電話先至會接通。

話音提示服務由流動服務供應商免費提供，市民唔使事先登記或安裝流動應用程式，亦都唔需要喺手機或固網電話上做任何設定。

通訊辦話，之後會推出新一輯電視宣傳短片同電台宣傳聲帶推廣新措施，亦會繼續與電訊業界同執法機關協力實施唔同措施打擊電話同短訊詐騙，並加強公眾教育同宣傳。通訊辦提醒市民，使用電訊服務時應時刻保持警覺，唔好隨便接聽陌生人來電，更加唔應該向未經核實身分嘅來電者透露個人資料或轉帳金錢。

更多港聞

【明報專訊】近年資料外泄事故持續增加，今年首10個月私隱專員公署接到165宗資料外泄事故通報，已超越去年全年。公署近日伙拍香港互聯網註冊管理... 詳情

【明報專訊】近年有唔少「老店」或街坊小店結業，位於柴灣漁灣邨、喺現址有超過40年歷史嘅香江茶餐廳，噚日下晝兩點後都同街坊告別。Emily下午... 詳情