【Emily】嘆工作「困身」無人願繼承 屹柴灣60載 香江茶餐廳告別街坊
[2024.12.31] 發表
【明報專訊】近年有唔少「老店」或街坊小店結業，位於柴灣漁灣邨、喺現址有超過40年歷史嘅香江茶餐廳，噚日下晝兩點後都同街坊告別。Emily下午到場已座無虛席，食客需要「搭枱」，菠蘿包等部分餐點亦已售罄。
到兩點一刻，茶餐廳正式拉閘關門，有食客圍住舖面影相留念。負責人周女士話，因為茶記工作較「困身」，每日要早起開店，無人願意繼承，遂無奈結業。佢話因工作太繁忙，暫時對結業未有太大感覺，但因為與街坊感情深厚，都會感到不捨，加上家族親人已散落世界各地，日後將失去一個聚腳點。
茶餐廳舊址位於環翠邨17座，42年前清拆後搬遷至漁灣邨現址，合共有逾60年歷史，「新店」裝修都充滿懷舊味道。店內貼有多張「請勿拍照」告示，周女士解釋，過去曾有人多次騷擾食客，有關做法出於保障。
更多港聞
相關新聞
