【Emily】日本新總領事 獻出亞洲任職第一次
[2024.12.19] 發表
【明報專訊】新任日本駐港總領事三浦潤上任，佢喺領事館官網以日語、英文同中文發表就任致辭，透露今次係1992年加入外務省後，首次喺亞洲地區任職。佢形容領事館工作係搭建人同人之間嘅橋樑，日後將加強同港澳政府機構、組織同企業合作。雖然剛上任，Emily已收到三浦大使寄嚟嘅聖誕卡，上面印有京都金閣寺嘅景色。
三浦潤致辭提及，過去曾喺俄羅斯莫斯科同紐約聯合國總部工作，喺英國擔任政務公使近3年。本報先前報道佢對上職位係喺日本防衛省擔任防衛政策局次長，不過致辭就無提及。
三浦話，作為總領事，最重要任務係確保港澳居住嘅日本僑民安全，領事館將全力發放準確信息，等僑民安心喺當地生活。佢提及，近期連結香港同日本各地機場嘅直航航班增加，令日本同香港聯繫愈嚟愈緊密，佢將支持日本地方政府活動，鼓勵港澳市民親自體會日本風情，同埋趁明年大阪關西世博會開幕，促進日本同港澳交流。
三浦總領事話，知道澳門新任特首將就職，希望盡可能多去澳門，深入了解澳門同各人交流。
更多港聞
【明報專訊】政府近排成日講「無處不旅遊」，𠵱家連沙灘都會做「打卡點」。噚日旅遊界議員姚柏良書面質詢，關注康文署轄下42個公眾泳灘目前只能滿...
詳情
【Emily】勞福局副秘調任廣播處長 繼續AO執掌
【明報專訊】政府噚日公布，勞福局副秘書長（人力）關婉儀（圖）將會喺明年1月6日起接替張國財出任廣播處長，延續近年由政務主任（AO）做處長嘅做... 詳情
【明報專訊】教育局推出《家校合作推展幼稚園國民教育參考指南》（下稱指南），建議幼稚園參考並設計校本活動。局方希望透過家校合作培養幼兒的國家觀...
詳情
【明報專訊】以假學歷報讀本港專上院校的個案屢現，掀起社會關注。立法會昨日討論有內地「黑中介」涉為內地申請人偽造學歷及工作證明以協助來港就學或...
詳情
相關新聞
