【Emily】旅議會主席徐王美倫卸任後料當顧問
[2024.10.10] 發表
【明報專訊】香港旅遊業議會主席徐王美倫將於年內卸任主席一職，徐太噚日喺傳媒茶敘同Emily講，卸任後會退居幕後，料擔任顧問一職，繼續為旅議會服務，亦會繼續為業界發聲及爭取權益，而繼任人選已有眉目。翻查資料，旅議會前主席黃進達卸任後轉任理事會名譽顧問。
徐太喺旅議會服務逾30年，佢2021年12月7日喺無競逐下當選旅議會主席，任期3年，今年結束任期。徐太上任時正值新冠疫情，旅議會因疫情陷入財困，營運基金可動用現金一度少於10萬元，佢喺2022年初接受訪問時形容「雖然艱辛，但有信心，瀟灑行落去」。
身兼多職嘅徐太係旅遊業策略委員會成員，任期至明年12月31日，職責係向政府提供策略性建議，佢亦係旅發局成員，任期本月31日結束。
更多港聞
相關新聞
