【Emily】議員訪機電署困𨋢 署長有份「少少尷尬」
[2024.10.09] 發表
【明報專訊】立法會發展智慧城市事宜小組委員會多個議員，噚日到九龍灣機電工程署總部參觀時發生「尷尬」事件，議員同機電署長潘國英一齊遇上困𨋢，被困20幾分鐘，負責監管升降機操作嘅機電署長亦要等承辦商人員到場解鎖裝置，眾人先安全離開。
到訪機電署嘅議員包括小組委員會主席葛珮帆、副主席邱達根，成員陳振英、陳紹雄、簡慧敏，同埋非委員謝偉銓、梁熙、張欣宇。據知除咗梁熙，其他人與署長一齊困𨋢。
張欣宇話涉事升降機可載20人，當時只有十幾人，無超載，相信係部𨋢關門時合上位置唔協調，啟動咗安全裝置而令部𨋢停咗。佢話事件有少少「唔好彩」，相信唔涉及維修或機件故障，類似情况偶然發生，笑言只係事件發生喺機電署總部，困𨋢嘅又係署長同議員，「有少少尷尬」，當時大家喺𨋢入面都係閒聊講笑等待。
機電署話，總部昨早有一部升降機發生輕微故障，承辦商隨即派員到場檢查及重置，全部乘客安全離開。
更多港聞
【Emily】浸大寫作坊 邀《少年Pi》作者講創意
【明報專訊】試想像，你啱啱經歷完一場海難，同屋企人失散，船上得番你同隻老虎，仲要同佢漂流200幾日……《少年Pi的奇幻漂流》嘅故事，如果發生... 詳情
嶺大生參選校董 須報曾違國安否 校方：提名須守法 學生會：簽聲明不合理但要接受
【明報專訊】嶺南大學去年修例後，學生會會長不再是校董會等組織的當然成員，改由學生互選產生，再由校董會委任。首場校董會、諮議會的學生代表選舉提... 詳情
【明報專訊】英國《泰晤士高等教育》（THE）公布2025年世界大學排名，本港續有5間大學位列全球百強，排名最前是香港大學，維持第35名，跟上...
詳情
相關新聞
