【Emily】「三眼仔」探病童 伊院稱助放鬆心情
[2024.08.29] 發表
【明報專訊】暑假好多家長會帶仔女去主題樂園玩、同鍾意嘅卡通角色合影，但喺兒科病房接受治療嘅小朋友就未必有呢個機會。早前迪士尼「童樂遊」義工隊就扮成「反斗奇兵大本營」嘅「三眼仔」，喺伊利沙伯醫院兒科病房驚喜現身，探訪一班留醫病童。
小朋友見到迪士尼角色都非常興奮，戴上印有米奇、米妮嘅派對帽同「三眼仔」互動，一班義工就派禮物同卡通氣球畀小朋友。伊利沙伯醫院兒科部門主管陳桂如醫生話，小朋友到陌生嘅病房環境會唔習慣，偶然會鬧情緒，感謝義工到病房同小朋友玩遊戲，緩和佢哋嘅心情，令佢哋可以放鬆心情接受治療。
伊利沙伯醫院話，除咗迪士尼義工隊，過去亦曾有唔同學校、表演團體到九龍中醫院聯網各間醫院探訪長者，日後會繼續同社區保持互動。
更多港聞
【Emily】網傳「高才創業領百萬公帑」 孫玉菡話誤導
【明報專訊】勞福局長孫玉菡噚日結束一連四日訪問北京行程，今次佢坐動臥列車上京，大讚房間牀鋪遠比學生時代坐過嘅三層硬臥舒適。過去兩日佢到訪清華... 詳情
相關新聞
