【Emily】國慶維港開心跑 康署鼓勵穿華服
[2024.08.07] 發表
【明報專訊】為慶祝今年75周年國慶，康文署噚日宣布下月22號舉辦「國慶維港開心跑」，仲鼓勵市民穿華服或配合國慶元素嘅服飾參與，仲可以角逐「最佳華服風格獎」。
活動會喺中西區海濱長廊(中環段)及灣仔臨時海濱花園一帶舉行，長約5公里，參加者須年滿14歲，名額750個，報名費全免。有興趣參加者聽朝8點半可以透過康文署SmartPLAY流動應用程式、網頁或智能自助服務站報名。每個參加者可獲發紀念T恤，跑完全程可獲一個紀念獎牌及其他禮品。
康文署話，除「開心跑」外，當日亦會邀請政府部門同相關團體參加3公里項目，設「突出造型組合大獎」，透過創意造型慶祝國慶，同時彰顯各部門同心協力嘅理念，展現團隊精神。
9．22中環海濱舉行 有嘉年華
中環段海濱及添馬公園一帶到時亦會舉辦嘉年華，市民唔使預約及任何費用即可參與，活動包括有國慶表演、攤位遊戲、寵物造型比賽、主題打卡區，仲有香港傑出運動員成就展覽、中國文化藝術工作坊、公園定向活動等。
更多港聞
【Emily】楊永杰赴西安考察 倡港推廣內地氫企
【明報專訊】立法會正值暑假休會，有議員外出旅行，亦有議員到內地考察，九龍中議員楊永杰就聯同4名九龍城區議員，一連5日北上西安考察，噚日結束。... 詳情
【明報專訊】城巴宣布全體員工整體加薪3.6%，並維持舊年嘅加薪最低保障安排，即係最低加薪金額唔少於810元。雖然加幅同最低金額都略為少過舊年...
詳情
相關新聞
