【Emily】廉署暑期實習 拍真人騷分享點滴
[2024.07.24] 發表
【明報專訊】暑假係實習季節，廉政公署月初起就有9個本地、內地及海外大學生展開6星期實習，分別派駐執行處嘅香港國際廉政學院、電腦或資訊科技組，或者社區關係處嘅香港商業道德發展中心、宣傳創作組、傳訊及傳媒事務組。
呢屆實習生來頭唔細，其中一個修讀緊港大同北京大學合辦嘅法學雙學士學位課程，另一個就係中國香港射箭總會會員，實習期間曾請咗幾日假，代表香港出戰亞洲青少年室內射箭公開賽。
廉署噚日喺社交平台上載短片，喺「殘酷二選一」環節中，多個實習生都分別喺唔同飲品中選擇咖啡。廉署專員胡英明更粉墨登場，自斟自飲廉署咖啡，話「想我請你飲咖啡？等你過咗ICAC嘅暑期實習先算啦」。廉署稍後將推出「intern真人騷」，畀網民了解實習生嘅生活點滴。
更多港聞
相關新聞
