【Emily】港大經管畢業生舉牌反「猶太復國主義」
[2024.07.10] 發表
【明報專訊】港大經管學院噚日舉行畢業禮，下午第一節典禮完結後，有畢業生喺百周年校園李兆基會議中心大會堂外，舉起反對「猶太復國主義」嘅紙牌，上面印有以色列國旗及納粹主義符號。根據港大學生會校園電視上載社交平台嘅影片，呢個畢業生至少舉牌及叫口號超過一分鐘，其後有港大職員要求佢收起紙牌及停止叫口號。
以哈衝突至今超過9個月，包括美國在內多國大學生先後發起支持巴勒斯坦人嘅聲援活動，今次舉牌嘅港大學生在場高呼，話首宗恐怖襲擊係由以色列猶太復國主義恐怖組織發起，策劃1946年大衛王酒店爆炸，所以以方自衛反擊之說唔成立等等。呢個畢業生事後向港大學生會校園電視話，自己係經管學生，另主修歷史、副修政治及公共行政，希望透過自己所學為國際事件發聲，又認為港大作為香港最國際化嘅大學，應鼓勵學生關注及了解國際大事，所以喺畢業禮抗議。
更多港聞
【Emily】武林盛舞嘉年華開幕 學生烈日跳「武藝操」
【明報專訊】一連6日、由政府文化盛事基金資助嘅「武林盛舞嘉年華」噚日喺尖沙嘴文化中心舉行開幕禮，其中有幾百名中小學生喺烈日當空下表演「千人武... 詳情
劏房生自學樣樣精 文琴雙全 小提琴8級鋼琴7級 派地區名校逐安居夢
【明報專訊】慈雲山中華基督教會基慈小學六年級生羅培峻與父母一家三口居於黃大仙區劏房，卻無阻幼苗茁壯成長。12歲的培峻主要靠網上自學，考獲小提... 詳情
【明報專訊】中華基督教會基慈小學校長趙潔華說，基層家庭資源較貧乏，學校需投放資源，為基層學生提供多元化活動體驗、經濟援助及情緒支援。
...
詳情
相關新聞
