【Emily】黃傑龍宣布執4舖 秒增逾2000「越南」嬲嬲
[2024.06.29] 發表
【明報專訊】叙福樓集團主席兼行政總裁黃傑龍早前引入嘅漢堡扒專門店「挽肉と米」大受歡迎，但餐飲零售近期整體市况仍唔太理想。黃傑龍前日喺facebook預告，旗下其他品牌下個月會關閉4間分店，仲講笑話「無返三幾間執吓笠都好難同餐飲零售嘅行家做自己人」。帖文出街後，唔少網民畀表情回應，不過黃傑龍就發現帖文「幾分鐘」突然多咗2800個「嬲嬲」，大部分都係越南名帳戶，打趣話「原來Facebook可以gum(咁)玩」。
黃傑龍前日喺帖文透露，管理層報告決定下月15日關閉奧海城嘅牛角同牛涮鍋MMC，同月31日關閉淘大嘅永華日常及牛角次男坊。黃傑龍話，成日聽到「光榮結業」呢個詞語，其實執笠並不光榮但不一定可恥，最緊要係負責任咁執，即係唔好欠伙計錢、唔好欠貨客錢，如果可以唔欠業主錢就更加好啦。佢又提醒同行量力而為，「切勿過分死頂輸身家，真係執笠都要負責任，經營環境改善先開返16間」。
更多港聞
【Emily】堅尼地城海濱長廊+1 「友建樹」歡迎打卡
【明報專訊】堅尼地城向來係唔少人欣賞維港同日落海景嘅「打卡」熱點。噚日「加多近街海濱長廊」開幕，堅尼地城海濱增添新「打卡位」，民青局長麥美娟... 詳情
【明報專訊】𠵱家會拎起本書睇嘅市民唔多，圖書館仲係咪大家選擇消遣嘅地方？新思維早前網上訪問超過300名本港市民，超過83%受訪者認為圖書館...
詳情
相關新聞
