【Emily】九巴推「旅客日票」 55蚊24小時任搭
[2024.04.26] 發表
【明報專訊】不少人去外地旅行都會買當地交通工具嘅「Day Pass」(日票)，方便搭車亦可以慳錢，聽日起九巴都會推出「旅客日票」，畀旅客喺一日內無限次坐巴士去不同地區。每張旅客日票55元，旅客啟動日票後24小時內，可無限次坐九巴及龍運巴士逾450條路線，包括日間線、通宵線、賽馬日馬場專線、來往陸路口岸嘅B1及B9線等。
旅客可以喺網上或19個指定銷售點購買日票，當中包括多個出入境口岸巴士總站，例如機場、落馬洲站等，以及多個遊客常到地區如尖東等；或者可以透過九巴嘅手機應用程式「App1933」入面嘅eCoin頁面，選擇購買日票，輸入護照首4個字母及數字，然後用電子支付畀錢，之後網上系統就會發出16位啟動密碼，旅客用該密碼喺應用程式內啟動日票，上車時喺巴士收費器掃描日票乘車二維碼就用得。
更多港聞
浸大「毒樹」STEAM計劃 結合科學藝術 宣傳微塑膠風險
【明報專訊】世界各地多年來積極推動減塑及回收行動，減少環境污染物「微塑膠」對各類生物的健康、生態和環境造成不同程度的潛在風險。香港浸會大學學... 詳情
【明報專訊】法國著名地標巴黎聖母院的屋頂和塔尖，5年前在一場大火被燒毁，經重建後擬今年底重開。城大文化薈聯同香港法國文化協會合作，即日起至6...
詳情
相關新聞
