【Emily】立會大樓擴建平頂 目標12月入伙
[2024.04.24] 發表
【明報專訊】立法會綜合大樓新建嘅議員樓層噚日舉行平頂儀式，主禮嘅特首李家超喺立法會主席梁君彥等人陪同下，參觀咗用組裝合成(MiC)方法建造嘅議員辦公室，又同議員茶敘。梁君彥致辭時提到，平頂唔等於議員可短期內搬入，未來半年仲要安裝幕牆、接駁機電及IT系統等，目標12月入伙。
喺平頂儀式，李家超、政務司長陳國基、發展局長甯漢豪等官員，連同立法會行管會成員將22個議員辦公室嘅MiC模型，放喺擴建後嘅大樓模型上面，寓意立法會五光十色，生生不息。梁君彥講笑話特首最近嚟親立法會都係23號，議員一聽到23就好興奮。
梁君彥話原址擴建係「非一般工程」，一邊要安全穩妥日夜動工，另一邊要避免受噪音、打風、暴雨影響，順利平頂真係要感謝各個部門。
更多港聞
【明報專訊】青衣仁濟醫院趙曾學韞小學（下稱趙小）因收生不足，下學年不獲教育局資助開辦小一級（即「派0班」），局方昨表示批准趙小下學年將小一級...
詳情
相關新聞
