【Emily】歐盟9月換駐港辦主任
[2024.04.19] 發表
【明報專訊】外國駐港領事每隔幾年輪換，歐盟日前公報新一批駐外使節名單，當中歐盟駐港澳辦事處主任將由歐盟委員會移動及運輸部國際關係組主任Harvey Rouse(圖)擔任，現任主任高宇馳(Thomas Gnocchi)將調任駐日本副大使，據悉「音樂椅」暑假後生效。
Rouse喺歐盟外交系統中都係商貿背景為主，過去工作同亞洲有淵源，先後擔任歐盟駐東盟、印尼、文萊嘅歐盟辦事處經貿部主管，再之前派駐過烏干達同肯尼亞。佢幾個月前去過台灣，同大學生講運輸議題。喺加入歐盟外交系統之前，Rouse擔任過美國電影協會高層，處理對歐洲業務。
歐盟近期多次質疑香港政制同限制自由，但喺商貿同環保議題上，雙方繼續接觸，特首李家超同商經局長丘應樺舊年都有去歐洲日酒會。
2020年來港嘅高宇馳日前喺社交網站話，對9月1日調派去東京感興奮，而𠵱家喺香港仲有工作要做。
更多港聞
【Emily】鐵路展勾童年回憶 林世雄仲記得火車滷水味
【明報專訊】港鐵噚日舉行紅磡站「站見」鐵路展開幕禮，運輸及物流局長林世雄致辭時話，細細個時每日都好期待爸爸喺長沙灣放工後，買火車上嘅齋滷味返... 詳情
【明報專訊】教育局昨在「適用書目表」更新下學年（2024/25）教科書價格，局方指課本較今學年平均加價約3.16%。比對過往3學年平均加幅介...
詳情
【明報專訊】警方拘捕一名23歲姓劉女子，指她涉違反《考評局條例》。據悉被捕人是中學助教兼今屆中學文憑試（DSE）監考員，她涉嫌在監考後，上載...
詳情
相關新聞
