【Emily】遮打這一天 不談商機談「有機」 本地漁農聚市集 主辦方盼北都保留農地魚塘
[2024.03.04] 發表
【明報專訊】中環遮打道行人專用區及遮打花園變成大型有機市集。一年一度嘅「全城有機日」噚日喺呢處中環核心商業區舉行，今年有100間本地有機農場、魚場及有機零售商設置攤位，提供各種最新鮮同最優質嘅本地有機魚菜畀市民選購，有機市集現場仲有烹飪示範，市民喺鬧市之中亦可以體驗有機生活嘅樂趣，選購本地漁農產品仲可以減少碳排放。
主辦方香港有機資源中心總監黃煥忠教授話，香港主要靠內地輸入糧食，但新冠疫情期間因封關影響食物供應。佢認為香港有足夠土地發展農業，提升本地糧食自給率，只要土地規劃得宜，相信地主願意將空置農地出租畀農戶。黃教授又認為政府大力發展北部都會區，應盡量保留農地同魚塘作為緩衝，鼓勵多元化農業，例如發展水耕菜，滿足唔同市民嘅需要。
全城有機日自2008年舉辦以嚟，累計吸引超過40萬人次參與。今年活動以「擁抱有機生活•邁向智慧未來」為主題，宣揚以新科技同可持續發展方向促進有機漁農業發展，仲鼓勵市民選購優質有機漁農產品，以行動支持本地有機漁戶同農戶。
更多港聞
【Emily】禮賓府桃花結果 李家超：以結果為目標
【明報專訊】特首李家超噚日喺facebook發帖報喜，話喺禮賓府嘅桃花結果（圖），形容係「好兆頭」。原來今次係禮賓府嘅桃花連續兩年結果，李家... 詳情
【Emily】源禾出發活力跑 5000人鬥「扮」唔鬥快
【明報專訊】第九屆全港運動會噚日喺沙田城門河舉行「賽馬會全城躍動活力跑」，有超過5000個市民參加，活動目的係鼓勵市民多做運動，喺社區層面推... 詳情
【明報專訊】政府2011年提出青年宿舍計劃，過去約12年有兩個項目落成，包括「保良局李兆基青年綠洲」。保良局噚日為「青年綠洲」舉辦開幕禮，政...
詳情
相關新聞
