【Emily】賈炳達道公園動工活化 單車徑穿梭樹林
[2024.02.26] 發表
【明報專訊】市建局今日開始九龍城賈炳達道公園第一期嘅活化工程，預計工程於2027年中完成。市建局行政總監韋志成噚日喺網誌話，公園活化後會以「林間漫行」為主題，仲會重置同重新設計單車徑，利用公園原有高低地勢設特色架空單車徑，到時單車友可以體驗樹林穿梭樂趣。
韋志成話，重置嘅單車徑會採用單向循環設計，路闊會由現時嘅3米增至5米，兩旁欄杆會有1.5米高，轉彎位置欄杆高達2米；架空單車徑嘅地面空間會有遮蔭座椅畀市民休憩。
至於其他設施，佢話公園活化後會喺東面增設共享空間，同埋興建有蓋多用途廣場，可舉辦小型文娛活動；公園近東頭村道入口會新增一條連貫公園南北嘅架空瞭望步道，畀市民鳥瞰園林景色，及俯瞰九龍寨城公園。
韋志成話，活化賈炳達道公園工程要動用約7億元，工程涉及3.4萬平方米，將分兩期，首期分兩階段施工，將分別喺2025年底同2026年底完工；另今年上半年會展開衙前圍道/賈炳達道發展計劃嘅業權收購，未來6至7年要投放逾100億元。
更多港聞
【Emily】陳國基與「老友記」官邸度元宵 被集郵受寵若驚
【明報專訊】政務司長陳國基喺社交平台發帖話，截至1月底，全港18區逾450支「關愛隊」探訪咗近4萬戶長者及其他基層家庭，並提供約7000次簡... 詳情
【Emily】NGO身分 梁美芬去WTO會議唱好香港
【明報專訊】經民聯立法會議員梁美芬去咗中東阿布扎比，以非政府組織（NGO）代表身分參加世界貿易組織（WTO）部長會議嘅活動，話要去海外說好香... 詳情
中小學SEN生按年增5% 教局：識別機制改善 冀擴「優化教育心理服務」
【明報專訊】融合教育政策下，特殊教育需要（SEN）學生會分佈於普通中小學。教育局最新數據顯示，本學年約有64,220人，按年升5%。以9個類... 詳情
相關新聞
