【Emily】情人節夜市消費滿$99可大屏幕放閃
[2024.02.12] 發表
【明報專訊】今年農曆新年假期後緊接情人節，大埔藝術中心響應「日夜都繽紛」，喺情人節期間搞浪漫夜市，話夜市期間只要喺場內消費滿99元，就可以透過大屏幕向愛人公然「放閃」，展示「愛的宣言」，中心宣傳形容呢個可能係全港最浪漫嘅夜市。
藝術中心搞嘅「心願夜市」為期橫跨3個情人節，即情人節(13至14日)、元宵(23至24日)及白色情人節(3月13至14日)。夜市期間中心嘅燈飾會亮起，內有近40檔由中大、教大同城大學生，創業青年，弱能人士及長者服務中心主理嘅文青手作攤檔，仲會提供戶外田園風餐飲、busking等。現場亦有同心鎖限定發售，話情人可以前往化身「愛意情『牆』」嘅大埔中心橋上攜手祝願，並掛上同心許願鎖。
2019年啟用嘅大埔藝術中心前身係大埔官立中學，位於大埔中心旁，係由藝術發展局管理嘅表演藝術場地。
更多港聞
相關新聞
