【Emily】fb上載羅庭輝「上水貨舖」爆谷相 張欣宇：今日香港創品牌唔易
[2024.02.03] 發表
【明報專訊】曾出戰2019年區議會選舉嘅羅庭輝，佢創立嘅「上水貨舖」噚日收到食環署通知，取消佢哋參與年宵嘅資格，立法會議員張欣宇(Gary)噚日喺facebook就上載咗上水貨舖出品嘅爆谷相片(圖)，提到今日嘅香港利益固化，要創立屬於自己嘅品牌並唔容易，而佢有時聽到小商家面對種種困難甚至不公，都會暗自神傷。
港大畢業嘅Gary仲引用中大前校長沈祖堯喺2014年畢業禮嘅致辭，「我希望你們能高尚地生活。務必莊敬自強，公平待人，不可欺侮弱勢之人，也不可做損及他人之事」。
Gary仲點名本地氈酒品牌「白蘭樹下」、「本土養殖」嘅香港海魚，「仲有堅守『莊敬自強』理念營商嘅上水爆谷」等，話每個新興品牌背後除咗一份香港情懷，各自產品亦更有質素、有新意，可以成為大牌子之外嘅信心之選。
更多港聞
【Emily】電容器壞不宜維修 九巴棄8國產電巴
【明報專訊】政府2015年撥款1.8億資助巴士公司買咗36架國產單層電動巴士試驗兩年，有說九巴當年獲撥款3120萬，買咗8架由中國青年汽車集... 詳情
【Emily】Uber試行可揀call「綠的」
【明報專訊】以往叫Uber Taxi乘客無得揀「紅的」定「綠的」，Uber噚日公布，前日起試行增加新界的士選項，只要上落車地點都喺新界的士經... 詳情相關新聞
