【Emily】下月亞洲金融論壇 經濟諾獎得主來港演說
[2023.12.20] 發表
【明報專訊】香港近年嘗試同中東市場打好關係，政府同貿發局出年1月24至25號搞嘅亞洲金融論壇，就有多個中東財金官員或投資機構代表出席同擔任演講嘉賓。根據論壇網站，講者包括埃及同科威特財長、阿聯酋副財長、海灣阿拉伯國家合作委員會秘書長、伊斯蘭開發銀行行長、迪拜金融服務管理局行政總裁等。除咗中東，克羅地亞財長同泰國財政部副部長都會擔任演講嘉賓。
至於論壇焦點嘅兩場專題演講，分別邀請疫情期間多次聲稱新冠病毒源於美國實驗室而受學界批評嘅美國經濟學家薩克斯(Jeffrey D Sachs)，同埋2022年諾貝爾經濟學獎得主Douglas W Diamond會嚟香港。薩克斯今次唔係直接講新冠病毒，根據貿發局公布，佢會講番老本行，探討疫後環球經濟環境，同埋最新復蘇局勢。
歐美市場方面，渣打主席韋浩思、匯豐投資管理行政總裁馬禮豪、美國富蘭克林鄧普頓總裁Jenny Johnson、保誠執行總裁華康堯等都會做講者。
更多港聞
恒隆數學獎出爐 稱數學之用非爭朝夕 學者勉學生：功在百年
【明報專訊】兩年一度的恒隆數學獎昨出爐。身兼該獎學術委員會成員的科大數學學者方子豪昨受訪，分享專研數學的心得，認為數學理論未必在一朝一夕間對... 詳情
【明報專訊】科大、城大、中大及理大早前舉辦「香港伙伴周」，與來自38間海外大學伙伴的代表交流。本港的大學稱，通過與海外大學伙伴建立緊密聯繫，...
詳情
相關新聞
