【Emily】「夜饗樂」百元餐飲券開派 首輪10萬份 直至元旦 港鐵搭5程送10蚊
[2023.12.20] 發表
【明報專訊】踏入聖誕、農曆新年旺季，旅發局及各界都想方法谷消費。旅發局推出20萬份「香港夜饗樂」餐飲消費券，市民今早10點起可以喺旅發局網站免費領取第一批10萬份餐飲消費券，每份100元，領取之後，喺每晚6點後去名單內食肆或酒吧堂食消費滿100元，就可以減100元。大家要注意，領券之後要喺30日內使用，如果同枱有多過一個人持有消費券，可以喺同一帳單疊加使用。
聖誕元旦假料903萬人次出入境
港鐵周一(18日)至明年1月1日亦會推出「港鐵出行禮遇 搭5程送$10」活動。MTR Mobile登記用戶喺活動期間，用已連結MTR Mobile帳戶嘅成人八達通搭港鐵滿5程，可獲$10出行禮遇。另外，香港零售管理協會亦推出「香港節日狂賞」活動，過百品牌商戶提供折扣優惠。
留港消費有着數，但通關後首個聖誕假有唔少人打算北上或外遊。入境處預計，本周五(22日)至下周二(26日)，以及下周五(29日)至明年1月1日嘅聖誕節及元旦假期，會有約903萬人次出入境，當中約754萬人次會經各陸路邊境管制站進出，預計陸路出境較繁忙嘅日子係本周六(23日)，出境人次約54.9萬；而入境高峰就係下周二，入境人次約62.6萬。
入境處估計，羅湖管制站、落馬洲支線管制站、港珠澳大橋管制站將非常繁忙，估計分別每日平均有21.7萬、18.4萬及11.8萬人次進出。
更多港聞
【Emily】議員訪外勞宿舍 1800伙出年料滿
【明報專訊】立法會休會放假，各委員會有安排唔少活動同外訪。發展事務委員會一行人噚日去咗上海考察，發展局長甯漢豪都有隨團，噚日先去參觀上海市水... 詳情
【明報專訊】沙頭角開放計劃元旦開始，市民可以申請入去參觀，保安局噚日喺社交平台拍片整理交通「懶人包」，教市民搭巴士、小巴去沙頭角，但就唔可以...
詳情
【Emily】青年宿舍以其命名 甘比仔仔設計「仲學舍」logo
【明報專訊】位於深水埗鴨寮街嘅青年宿舍項目「仲學舍」噚日舉行啟動禮，項目由劉葉淑婉紀念慈善基金及華人置業集團合作推出，華置行政總裁陳凱韻（甘... 詳情
【明報專訊】香港近年嘗試同中東市場打好關係，政府同貿發局出年1月24至25號搞嘅亞洲金融論壇，就有多個中東財金官員或投資機構代表出席同擔任演...
詳情
恒隆數學獎出爐 稱數學之用非爭朝夕 學者勉學生：功在百年
【明報專訊】兩年一度的恒隆數學獎昨出爐。身兼該獎學術委員會成員的科大數學學者方子豪昨受訪，分享專研數學的心得，認為數學理論未必在一朝一夕間對... 詳情相關新聞
