【Emily】「香港自然十景」評選 萬宜柱石第一
[2023.10.21] 發表
【明報專訊】團結香港基金成立嘅香港地方志中心為配合《香港志》出版，早前舉辦「香港自然十景評選」，由市民、旅客經網上選出最能代表香港嘅自然景觀。經過3個月投票，由萬宜水庫嘅萬宜柱石獲得第一名，得2.7萬多票，第二名嘅大澳同第三名嘅大欖涌水塘大欖千島就分別超過2.6萬票。中心助理總編輯羅家輝希望《香港志》成為橋樑，引領讀者接觸同認識生態環境，同時鼓勵佢哋愛護同珍惜大自然。
「香港自然十景評選」今年7月17日至本月16日一連3個月喺網上舉行，參加者可喺「山」、「水」、「石」、「鄉」同「島」5個類別，各投選兩個自然美景，最終收到超過53萬票次。太古集團公共事務總經理陳智健噚日出席活動話，「香港自然十景評選」唔係一個結束，希望大家一齊發掘更多值得欣賞嘅美景，推介畀海外朋友。
更多港聞
【Emily】何永賢做「熒光瑜伽」 撐屋邨夜繽紛
【明報專訊】房屋局長何永賢（中）噚晚到九龍灣啟業運動場出席「螢光城市探索啟動禮」，著熒光粉紅上衣嘅佢同參加者一齊戴住熒光手環做瑜伽。除咗落場... 詳情相關新聞
