【Emily】立會辯創科 聞尚海龍發言諗起小鳳姐 龍漢標唱《順流逆流》促撤辣
[2023.10.20] 發表
【明報專訊】立法會噚日通過由選委界議員尚海龍提出嘅「跟進國家主席習近平2022年6月30日的重要創新科技指示」無約束力議案。議案驟眼睇嚟同樓市風馬牛不相及，但經民聯地產及建造界議員龍漢標就趁機促請政府「撤辣」，吸引創科人才來港。佢雖然無份演出「立會好聲音」，但都忍唔住即場高歌徐小鳳金曲《順流逆流》，話撤辣已經成為社會主流意見，叫政府「將辣招馬上送入歷史嘅堆填區」。
自嘲「非立會好聲音材料」
龍漢標發言時話自己唔係從事創科，本身唔打算就議案發表意見，不過尚海龍之前發言提到要解決來港人才嘅居住、醫療等問題，仲關注新一份《施政報告》會唔會豁免外地人才買樓嘅額外印花稅，於是發言和應尚海龍；龍漢標話，聽到呢一度，佢個腦不期然浮現咗小鳳姐嘅倩影。
龍漢標即席唱出徐小鳳金曲《順流逆流》其中幾句：「幾多艱苦當天我默默接受，幾多辛酸也未放手；故意挑剔今天我不在乎，只跟心中意願去走。」佢嘅歌藝如何大家心中有數，連佢自己都自嘲「唔係立會好聲音嘅材料」。
龍漢標話舊年解釋點解爭取撤辣時係「孤身走我路」，時至今日已經成為主流意見，促請政府「將辣招馬上送入歷史嘅堆填區」。
更多港聞
【明報專訊】香港護理專科學院聽日（21日）舉行院士頒授典禮，前食物及衛生局長、港大護理學院教授陳肇始今年同6人獲頒授榮譽院士，以表揚佢哋對香...
詳情
【明報專訊】香港賽馬會話見到香港運動員喺杭州亞運表現出色，為咗表達支持，噚日宣布嚟緊周日（22日）將會喺沙田馬場舉辦「中國香港亞運獎牌運動員...
詳情
【Emily】民調指八成倡增建 林筱魯倡推「儲款預購資助屋」
【明報專訊】房屋問題係今屆政府重中之重，本身係規劃師嘅立法會房屋事務委員會委員林筱魯，喺8月至9月做問卷調查，了解中層及基層市民、尤其係青年... 詳情
【Emily】中大文物特展 星級中大人聲音導航
【明報專訊】中大文物館適逢60周年校慶，舉辦特別文物展「潤物有聲：文物與我們的故事」，展出60件由商代到近現代嘅著名館藏珍品，包括清朝嘅「康... 詳情
【Emily】500盒自家奶送小學 城大院長勉追夢
【明報專訊】深水埔街坊福利會小學300個學生噚日獲城大贈送500盒城大牛奶。城大賽馬會動物醫學及生命科學院院長Vanessa Barrs向在... 詳情相關新聞
