【Emily】周日單車節 退役李慧詩一日鬥兩場 國際1.1級公路賽復辦 尖沙嘴設觀衆席
[2023.10.18] 發表
【明報專訊】新鴻基地產香港單車節喺嚟緊嘅周日(22日)舉行，今年中宣布退役嘅「牛下女車神」李慧詩(圖)都會參加50公里組項目，同參加者一齊踩上「三橋三隧」，仲會參加「環粵港澳大灣區城市自行車挑戰賽公路組」同大灣區選手比賽。至於闊別5年嘅國際單車聯盟(UCI)1.1級公路賽，來自澳洲、加拿大等15支隊伍會喺尖沙嘴作繞圈賽，旅發局喺尖沙嘴海濱花園、永安廣場對面設觀衆席，座位先到先得，可以近距離為選手打氣。
踩上「三橋三隧」 同大灣區選手比賽
當日清晨5時20分打響頭炮嘅項目係50公里組，緊接就係30公里組同「家庭單車樂」，其中30公里賽會踩上昂船洲大橋。之後就會開始競賽項目「環粵港澳大灣區城市自行車挑戰賽公路組」，賽事已先後喺廣州、東莞等地舉行。旅發局節目及旅遊產品拓展總經理陳俊文話，希望透過賽事促進大灣區內城市交流，同時推廣「一程多站」旅遊。
香港單車隊出戰完杭州亞運後，將會喺主場迎戰UCI公路賽，呢個項目到時會有近100個專業車手喺彎多、路窄、多斜嘅賽道繞圈作賽超過100公里。
因應活動安排，當日凌晨1時起會分階段封路，其中青馬大橋上層(往九龍方向)會喺上午7時15分重開；其他封閉道路由早上9時起分批解封；尖東一帶道路將於下午5時45分前重開。
更多港聞
【Emily】保良局145年展 回顧保護孤寡貢獻
【明報專訊】今年係保良局成立145周年，位於大圍嘅香港文化博物館今日起舉行「保赤安良145年——以善心建善業」專題展覽，展出約280件展品，... 詳情
【Emily】樂齡科技評估基地啟動 孫玉菡試玩
【明報專訊】社聯同9間機構組成嘅樂齡科技平台，噚日啟動全港首個「樂齡科技應用評估基地」，社聯行政總裁蔡海偉話基地將連結社會服務機構同樂齡科技... 詳情
【Emily】謝展寰推廣綠色殯葬 「點解執著搵地方擺骨灰」
【明報專訊】環境及生態局長謝展寰噚日出席綠色殯葬推廣啟動禮，話綠色殯葬理念係死後回歸大自然，普及程度過去10年顯著上升，由2013年3400... 詳情
【明報專訊】區議會換屆在即，因支聯會煽動顛覆等案還押緊嘅前支聯會副主席鄒幸彤都有留意。根據啱啱探完佢嘅前議員邵家臻轉述，鄒幸彤都關心12月1...
詳情
【明報專訊】立法會議員人工每年都會按丙類消費物價指數調整，政府宣布今年議員加薪1.9%，月薪由10.4萬元加到10.6萬元，今個月1號已經生...
詳情
相關新聞
