【Emily】蘇富比秋拍 估價兩億藍鑽矚目 首設史前異獸拍賣 有鈎鼻龍化石
[2023.10.03] 發表
【明報專訊】香港蘇富比嘅秋季拍賣會噚日開鑼，除咗傳統嘅藝術品同美酒名表外，為紀念蘇富比喺亞洲50年歷史，今次嘅焦點係一枚11.28卡嘅艷彩藍色鑽石戒指「無際之藍」，估價高達2.88億港元。
戒指嘅原石於2020年9月喺南非嘅庫里南礦開採而出，係嗰批藍鑽中最大嘅一粒，由於藍鑽極為罕見，過去10年一直有減無增，就算係正常產出時，都僅有少於0.1%嘅鑽石呈藍色。
今次仲首設「史前地球的奇珍異獸」自然歷史拍賣會，將於本周五(6日)舉行，拍賣品包括極為罕見嘅白堊紀晚期、即約1億至6600萬年前嘅幼年鈎鼻龍化石標本，估價高達2000萬港元；以及一副保存得非常完好嘅更新世時期、即260萬至1萬年前嘅真猛獁象頭骨，頭骨上有一對奪目嘅藍鐵礦漩渦紋象牙，估價達400萬港元。
更多港聞
相關新聞
